Ноя
10 ноября — Престольный праздник Святителя Димитрия Ростовского
В минувший вторник, 10-го ноября, в день памяти святителя Димитрия Ростовского, наш приход праздновал преставление праведного чудотворца ко Господу. Несмотря на то, что день был рабочим и на соблюдение карантинных мер, наш праздник смогли посетить желанные гости — духовное чадо о. Евгения настоятель храма в Пахомово иерей Сергий Иванов с матушкой Анной и детьми. Также, за праздничным богослужением радостной чести прочитать Апостол удостоился бас нашего хора, добрый прихожанин и просто хороший человек Георгий Цейтлин (он же Гоша)).
Служба прошла на одном дыхании, в радостной и тёплой семейной атмосфере любви о Господе нашем Иисусе Христе. С Праздником нас, православные!
Тропарь святителю Димитрию, митрополиту Ростовскому
Православия ревнителю и раскола искоренителю,/ Российский целебниче, и новый к Богу молитвенниче,/ списаньми твоими буих уцеломудрил еси,/ цевнице духовная, Димитрие блаженне,// моли Христа Бога спастися душам нашим.
Кондак святителю Димитрию, митрополиту Ростовскому
Звезду Российскую от Киева возсиявшую,/ и чрез Новград Северский в Ростов достигшую,/ всю же страну сию ученьми и чудесы озарившую,/ ублажим златословеснаго учителя Димитрия,/ той бо всем вся написа, яже к наставлению,/ да всех приобрящет, якоже Павел Христу,// и спасет правоверием души наша.
Величание святителю Димитрию, митрополиту Ростовскому
Величаем тя,/ святителю отче Димитрие,/ и чтим святую память твою,/ ты бо молиши за нас// Христа, Бога нашего.
Молитва святителю Димитрию, митрополиту Ростовскому
О, всеблаженный святителю Димитрие, великий угодниче Христов, Златоусте Российский, услыши нас грешных, молящихся тебе, и принеси молитву нашу к Милостивому и Человеколюбцу Богу, Емуже ты ныне в радости святых и с лики Ангелы предстоиши! Умоли Его благоутробие, да не осудит нас по беззакониям нашим, но да сотворит с нами по милости Своей. Испроси нам у Христа и Бога нашего мирное и безмятежное житие, здравие душевное и телесное, земли благоплодие и во всем всякое изобилие и благоденствие, и да не во зло обратим благая, даруемая нам от Щедрого Бога, но в славу Его и в прославление твоего заступления. Даруй нам богоугодно прейти поприще временныя жизни; избави нас воздушных мытарств и настави нас на путь, ведущий в селения праведных, идеже празднующих глас непрестанный, зрящих Божия лица неизреченную доброту. Церковь же Святую от расколов и ересей сохрани, верных укрепи, заблуждающих обрати и всем даруй вся, яже ко спасению и славе Божией подобающая; Отечество твое сохрани от врагов ненаветно, но поборай оружие Крестоноснаго воинства; и подаждь нам всем твое архипастырское и святое благословение, да оным осеняеми, избавимся от козней лукаваго и избегнем от всякия беды и напасти. Услыши моление наше, отче Димитрие, и моли непрестанно о нас Всесильнаго Бога, славимаго и поклоняемаго в Триех Ипостасех, Емуже подобает всякая слава, честь и держава во веки веков. Аминь.
